Қазіргі нарықтық экономика жағдайында кәсіпкерлікті дамыту үшін көптеген факторлар маңызды рөл атқарады. Соның ішінде, ең бастысы – адалдық. Адалдық – бизнестің негізі, оның ұзақ мерзімді табысты болуының басты кепілі. Кәсіпкерлік тек пайда табуға емес, қоғамға пайдалы қызмет көрсетуге де бағытталуы тиіс.
Адалдық – бизнестің басты құндылығы.
Көптеген табысты кәсіпкерлер мен ірі компаниялар адалдықты басты қағида ретінде ұстанады.
Себебі, адалдық:
• Клиенттер мен серіктестердің сенімін арттырады;
• Бизнеске тұрақтылық пен бедел қалыптастырады;
• Ұзақ мерзімді табысты қамтамасыз етеді;
•Құқықтық мәселелерден сақтайды.
Адал кәсіптің негізгі қағидалары
1.Тұтынушылар алдындағы адалдық.
Клиенттердің сенімі – бизнестің басты байлығы. Егер кәсіпкер өнім сапасын төмендетпей, қызмет көрсету деңгейін жоғарылатса, онда тұтынушылардың адалдығын сақтап, ұзақ мерзімді серіктестік орната алады.
2.Серіктестер мен бәсекелестерге құрмет.
Нарықта әділ бәсекелестік орнату маңызды. Жалған жарнама, басқа компаниялардың абыройын түсіру, заңсыз әрекеттер жасау бизнеске кері әсер етеді. Керісінше, адал қарым-қатынас орнату ұзақ мерзімді әріптестікке жол ашады.
3.Салық пен заңдарды сақтау.
Бизнестің тұрақты дамуы үшін салықтарды уақтылы төлеу, заңдарды құрметтеу және мемлекеттік органдармен ашық жұмыс істеу қажет. Бұл кәсіпкердің беделін нығайтады.
4.Қызметкерлерге әділдік таныту.
Жұмысшыларға әділ жалақы төлеу, оларды құрметтеу, еңбек құқықтарын сақтау – адал бизнестің маңызды элементтері. Қызметкерлеріне жақсы жағдай жасаған кәсіпорындарда жұмыс өнімділігі артады.
5.Өнім мен қызмет сапасына жауапкершілік.
Адалдық – бизнестің негізі ғана емес, оның берекесін арттыратын басты құндылық.
Бизнестің берекесі адалдықта. Адал кәсіпкерлік қоғамға пайда әкеліп қана қоймай, бизнестің тұрақты дамуына да ықпал етеді. Қысқа мерзімді пайда үшін адалдықтан бас тарту бизнеске ұзақ мерзімді зиян келтіруі мүмкін. Сондықтан әрбір кәсіпкер адалдық қағидаларын берік ұстануы қажет. Адал еңбек – әрқашан берекелі.
М.Әзімханұлы,
Қаратау қалалық әкімі аппаратының бас маманы.
