Шымкент қаласында волейболдан Қазақстан Республикасының жастар мен жасөспірімдері арасында ел чемпионаты өткені белгілі.
Еліміздің барлық өңірінен қатысқан спортшылар бәсі биік бәсеке барысында өздерінің мықты дайындықтарын көрсете білді.
Десек те, барлық кездесулерінде шебер ойындарымен ерекшеленген Жамбыл облысының командасы жеңіс тұғырына көтерілді.
Жанкүйерлер тарапы да жерлестеріміздің жойқын шабуылдары мен үздік қорғаныстарына тәнті болды.
Құрама сапында команда жеңісіне елеулі үлес қосқан Қызыләуіт ауылының тумасы, жерлесіміз Төлеген Бақдәулет чемпионаттың үздік ойыншысы деп танылды.
Жерлесімізге алдағы бәсекелер барысына да сәттілік тілейміз.
