Үкіметтің кеңейтілген отырысында Қазақстанның жаңа премьер-министрі Олжас Бектенов Президент Қасым-Жомарт Тоқаевтың тапсырмасын орындауға дайын екенін мәлімдеді.
«Құрметті Президент мырза, сіздің барлық ауқымды тапсырмаңыз мүлтіксіз орындалады. Жаңа үкімет құрамы бұған дайын. Бұл мәселелердің нақты шешіміне назар аударамыз», — деп сендірді премьер-министр.
6 ақпанда таңертең Amanat фракциясы ҚР премьер-министрі лауазымына Олжас Бектеновтің кандидатурасын ұсынған болатын. Бұған дейін ол Президент Әкімшілігінің басшысы қызметін атқарған. Мәжілісте Бектеновтің кандидатурасын депутаттар қолдап, содан кейін ол ресми түрде премьер-министр болып тағайындалды.
