«Tt» — ақпарат».
Гүл көктемнің шуақты меркесіне орай, аудан әкімі Нұрбол Жүнісбеков ауданның өркендеп, даму жолында табысты еңбек етіп жүрген бірқатар әйел-аналарды қабылдап, мерекемен құттықтады.
Мерекелік қабылдауда еңбек ардагері, көпбалалы ана, кәсіпкер, спорт, білім қызметкерлері және басқада салада еңбек ететін әйел аналар болды.
— Еліміздің өркендеуі жолында әйелдер қауымның алатын орны ерекше. Отбасының ұйытқысы, тіршіліктің шырайын арттырып жүретін нәзік жандылар қоғамның сан-саласында жемісті еңбек етіп, аянбай тер төгуде. Олар үлкен еңбекқорлық танытып, үй шаруасын да дөңгелетіп, қызметтерін де қалтқысыз атқаруда, — деген Нұрбол Әбдімәжітұлы жүрекжарды жылы лебізін арнады.
Әкімнің қабылдауында болған әйел аналар ауданның дамуына қатысты пікілерін айтып, ұсыныстарын жеткізді.
