Қаратаулық көпбалалы ана Ақзейнел Байболатова қаламыздан ерлер мен әйелдерге арналған интенсивті бағытталған электромагниттік өріс арқылы жұмыс жасайтын медициналық- косметологиялық аппараттар орталығын ашты. Орталық қаламыздағы Т.Рысқұлов көшесінің бойындағы «Арбатас» дүкенінің жанындағы ғимаратта орналасқан.
А.Байболатова алғаш болып ерлер мен әйелдердің жыныстық ауруларын емдейдін құрылғыны тұрғындарға ұсынуда. Мұнда бұдан бөлек тұрғындарды әсемдеп, дене пішінді қалыпқа келтіретін косметологиялық жүйені де қолға алған.
— Бизнес ашуды армандайтындар көп, мен де солардың қатарындамын. Жай ғана бір табыс әкелетін істі аша салмай, әлеуметтік бағдарлы бизнес құрғым келді. Медицино — косметологиялық орталық ашуға бар күшім мен қаражатымды сала отырып, ерлер мен әйелдердің өзін күтуіне, түрлі аурулардың алдын алуға көмектесемін деп сенемін. Мен үшін қызметімнің қоғам игілігіне бағытталғанын сезіну өте маңызды. Барлық кезеңдерде қолдау берген, құрылғылардың қыр -сырын меңгертіп, өздері оқытып, курста алған біліміме қарай сертификат тапсырған «Medical Laser» компаниясына алғысым шексіз.
Аталған компания консультанттары әлі де маңызды ақпараттармен бөлісіп, жұмысымның барысын бақылап отырады, — деген Ақзейнел алда тағы да басқа аппараттарды іске қосуды жоспарлап отыр.
