Қайта жаңғыртудан өткен 3 мөлтек ауданындағы №5 және №6 көппәтерлі тұрғын үй пайдалануға берілді. Құрылыс жұмыстарына жауапты «Altyn LTD» ЖШС.
Жалпы жаңа пәтердің кілттері тұрғын үй кезегінде тұрған әлеуметтік осал топтағы азаматтармен қатар, бюджет қызметкерлеріне, асыраушысынан айырылған және көпбалалы отбасыларына тапсырылды.
Тұрғындардың қоныс той қуанышына тілеулестік танытқан аудан әкімі Нұрбол Жүнісбеков ел игілігіне ұсынылған нысанды аралап, жүргізілген құрылыс жұмыстарының сапасымен танысты.
Бұған дейін Бауыржан Момышұлы көшесіндегі №10, №13, 3 мөлтек ауданындағы №16 үйлер қайта жаңғыртудан өтіп, қолданысқа берілген болатын. Енді міне Тәуелсіздік күні қарсаңында тұрғындар тағы бір қуаныштың куәсі болды.
Осылайша көппәтерлі үйлерге жүргізілген күрделі жөндеу жұмыстарының нәтижесінде биылғы жылы тұрғын үй кезегінде тұрған 1432 адамның 372 –і баспаналы болды.
